भाजपचे नवे अध्यक्ष मागासवर्गीय किंवा ओबीसी?

सभागृह नेतेपदासाठी नड्डा यांचे नाव चर्चेत

राज्यसभेत नड्डा हे सभागृह नेतेपदाचे प्रबळ दावेदार आहेत. कारण पीयूष गोयल लोकसभेवर निवडून आले आहेत. अर्थमंत्री निर्मला सीतारामन आणि रेल्वे, आयटी आणि माहिती व प्रसारणमंत्री अश्विनी वैष्णव यांचाही या पदासाठी विचार केला जात आहे.

के. लक्ष्मण हेही चर्चेत

भाजपच्या अध्यक्षपदासाठी राज्यसभा खासदार के. लक्ष्मण यांचेही नाव चर्चेत आहे. ते सध्या ओबीसी मोर्चाचे प्रमुख आहेत. लक्ष्मण हे मूळचे तेलंगणाचे आहेत आणि दक्षिणेत पक्ष विस्तार करत आहेत. त्यांना संघाचे समर्थन आहे की, नाही याबाबत ठोस काही सांगता येत नाही.

महाराष्ट्रातून विनोद तावडेंचे नाव?

- महाराष्ट्रातून पक्षाचे सरचिटणीस विनोद तावडे यांच्यासह दोन ज्येष्ठ नेत्यांची नावे चर्चेत आहेत. ते अमित शाह यांचे विश्वासू समजले जातात.

- निवडणुकीपूर्वी विरोधी पक्षांच्या नेत्यांना भाजपमध्ये सामावून घेण्यासाठीच्या टीमचे तावडे यांनी नेतृत्व केले होते. तावडे हे आरएसएसच्या नेतृत्वाच्याही जवळचे आहेत. त्यामुळे गेल्या काही दिवसांपासून अध्यक्षपदासाठी त्यांच्या नावाची जोरदार चर्चा आहे.